नवी दिल्ली - आम आदमी पक्षाने दिल्लीमध्ये घवघवीत यश संपादन केले आहे. यावेळी निवडून आलेल्या आमदारांमध्ये काही असे चेहरेही होते ज्यांचे पक्षात महत्त्वाचे स्थान आहे. त्यामुळे त्या नेत्यांना मंत्रिपद मिळण्याची शक्यताही राजकीय वर्तुळातून व्यक्त केली जात होती. मात्र, केजरीवाल यांच्या जुन्या मंत्रिमंडळालाच पुढे कायम ठेवले जाणार असल्याचे सूत्रांकडून समजले आहे.
केजरीवालांचे जुनेच मंत्रिमंडळ राहणार कायम, खात्यांमध्ये बदल होण्याची शक्यता..
या नेत्यांबाबत सुरू होत्या चर्चा..
पक्षाच्या महत्त्वपूर्ण नेत्या अतिशी मार्लेना, तिमारपूर मतदारसंघातून निवडून आलेले दिलीप पांडेय, राजेंद्र नगर मतदारसंघातून निवडून आलेले राघव चड्ढा आणि ओखलामधून भरघोस मताधिक्याने निवडून आलेले अमानतुल्लाह खान यांना नव्या मंत्रिमंडळात मंत्रिपद मिळण्याच्या शक्यता वर्तवण्यात येत होत्या.