बंगळुरू :पाकिस्तानी दहशतवादी संघटनेशी संबंध असल्याच्या संशयावरुन कर्नाटकच्या सिर्सी भागातून एका तरुणाला अटक करण्यात आली आहे. राष्ट्रीय तपास यंत्रणेने (एनआयए) ही कारवाई केली असून, सध्या या तरुणाची कसून चौकशी केली जात आहे.
सय्यद इद्रेस नबी सबा मुन्ना (२५) असे अटक करण्यात आलेल्याचे नाव आहे. यापूर्वीही तीन वेळा एनआयएच्या पथकाने त्याला चौकशीसाठी ताब्यात घेतले होते. त्यानंतर आता दहशतवादी कारवाईत सहभागी असल्याच्या संशयावरून मंगळवारी रात्री त्याच्या घरामधून त्याला अटक करण्यात आली आहे.