लखनौ- उत्तर प्रदेशमध्ये आज राष्ट्रवादी काँग्रेसचे संमेलन पार पडले. राज्याची राजधानी असलेल्या लखनौच्या रविंद्रालयमध्ये हे संमेलन पार पडले. या कार्यक्रमाला राष्ट्रवादी काँग्रेसचे अध्यक्ष शरद पवारही उपस्थित होते.
लखनऊमध्ये पार पडले 'राष्ट्रवादी'चे संमेलन, शरद पवारही होते उपस्थित..
लखनौमध्ये आज सकाळपासूनच राष्ट्रवादीचे कार्यकर्ते उत्साहात होते. दुपारी ३च्या सुमारास शरद पवार, आणि पक्षाचे राष्ट्रीय महामंत्री प्रफुल पटेल हे या संमेलनाला पोहोचले. यावेळी जल्लोषात त्यांचे स्वागत करण्यात आले. त्यानंतर, राष्ट्रवादीच्या झेंड्याचे ध्वजारोहन करण्यात आले. त्यानंतर राष्ट्रगीत गायले गेले. यावेळी कार्यक्रमानंतर पवार यांनी पत्रकारांशी बोलण्यास नकार दिला.