नवी दिल्ली -जगभरामध्ये कोरोना विषाणूने थैमान घातले असून भारतामध्येही कोरोनाग्रस्तांची संख्या वाढतच चालली आहे. कोरोनावर मात करण्यासाठी केंद्र सरकाराकडून अनेक उपाययोजना राबवण्यात येत आहेत. पंतप्रधान नरेंद्र मोदी यांनी बुधवारी देशवासियांना मोबाईलवर 'आरोग्य सेतू' अॅप डाऊनलोड करण्याचे आवाहन केले.
पंतप्रधान नरेंद्र मोदी यांनी कोरोना विरुद्धच्या लढ्यात आरोग्य सेतू हे एक म्हत्त्वाचे पाऊल आहे. तंत्रज्ञानाच्या मदतीने हे आपल्याल महत्त्वपूर्ण माहिती प्रदान करेल. लोक जितके अधिक या अ‍ॅपचा वापर करतात तितके आधिक ते प्रभावी होईल. सर्वांनी हे अॅप डाऊनलोड करावे, असे पंतप्रधान नरेंद्र मोदी यांनी टि्वट केले आहे. मोदींनी अ‍ॅपची लिंक शेअर केली जेणेकरुन लोक ते डाउनलोड करु शकतील.