भोपाळ -सतत वादग्रस्त वक्तव्य करून चर्चेत राहणाऱ्या भाजपा खासदार साध्वी प्रज्ञा सिंह ठाकूर यांनी पुन्हा आपल्या वक्तव्यामुळे चर्चेत आल्या आहेत. लव्ह जिहाद करणाऱ्यांना फाशीची किंवा जन्मठेपेची शिक्षा सुनावण्यात यायला हवी, असे त्या म्हणाल्या आहेत. लव्ह जिहाद प्रकरणी 10 वर्षांची शिक्षा फारच कमी आहे. लव्ह जिहादमध्ये मोठ्या प्रमाणात फंडिंग होते. याची संपूर्ण तपासणी व्हायला हवी. याचबरोबर संसदेतही कायदा करायला हवा, असेही त्या म्हणाल्या.
लव्ह जिहादवर साध्वी प्रज्ञा सिंह ठाकूर यांची प्रतिक्रिया
लव्ह जिहाद करणाऱ्यांना इतर देशांमधून मोठ्या प्रमाणात फंडिंग होते. त्यामुळे साध्या-सरळ स्वभावाच्या मुलींच्या त्यांच्या जाळ्यात फसतात. यासाठी सरकारने फंडिंग प्रकरणी चौकशी करायला हवी. लव्ह जिहादवर एक डाटा जमा करून त्यासाठी संसेदत कायदा करण्याची मागणी करणार असल्याचे त्यांनी सांगितले.