नवी दिल्ली - भारतात कोरोना विषाणूचा संसर्ग मोठ्या प्रमाणात वाढत आहे. गेल्या २४ तासात देशात एकूण ७७ हजार २६६ नवीन कोरोनाबाधित रुग्णांची भर पडली आहे. या रुग्णांसह देशातील कोरोना बाधितांचा एकूण आकडा ३३ लाख ८७ हजार ५०१ वर पोहोचला आहे.
देशात कोरोना बाधितांची आकडेवारी दिवसेदिवस वाढतच आहे. त्याच बरोबर दररोजचा मृतांचा आकडाही हजारच्या पुढे जात आहे. गेल्या २४ तासात देशात कोरोनामुळे तब्बल १ हजार ५७ जणांचा मृत्यू झाला आहे. या आकेडवारीसोबत देशातील एकूण मृतांचा आकडा हा ६१ हजार ५२९ इतका झाला असल्याची माहिती आरोग्य मंत्रालयाने दिली आहे.