कोरोना व्हायरस: केरळमध्ये २ हजार ४२१ नागरिक निरिक्षणाखाली

केरळमध्ये २ हजार ४२१ नागरिकांना निगराणीखाली ठेवण्यात आले आहे. चीनमधून माघारी आलेल्या नागरिकांनी २८ दिवस आपल्या घरातून बाहेर निघू नये, असे केरळच्या आरोग्य मंत्री के. के शैलजा यांनी सांगितले आहे.

तिरूवअनंतपुरम - कोरोना व्हायरसने चीनमध्ये थैमान घातले आहे. कोरोना व्हायरस जगभर पसरण्याची भीती असतानाच केरळमध्ये २ हजार ४२१ नागरिकांना निगराणीखाली ठेवण्यात आले आहे. चीनमधून माघारी आलेल्या नागरिकांनी २८ दिवस आपल्या घरातून बाहेर निघू नये, असे केरळच्या आरोग्य मंत्री के. के शैलजा यांनी सांगितले आहे.

चीनमधील कोरोना विषाणूच्या बळींचा आकडा दिवसेंदिवस अधिक वेगाने वाढत आहे. गेल्या २४ तासांमध्ये तब्बल ६५ लोकांनी या विषाणूमुळे आपला प्राण गमावला आहे. तर, आतापर्यंत जवळपास २०,४३८ लोकांना या विषाणूचा संसर्ग झाल्याची माहिती मिळत आहे.भारतात आतापर्यंत कोरोनाचे तीन रुग्ण आढळून आले आहेत. हे तिघेही केरळमधील आहेत. केरळ सरकारने कोरोनाला राज्य आपत्ती म्हणून घोषित केले आहे. या तीनही रुग्णांची प्रकृती सध्या स्थिर असून, त्यांना निरीक्षणाखाली ठेवण्यात आले आहे.