नवी दिल्ली - उत्तर प्रदेशमधील बलात्कार पीडितेच्या मृत्यूनंतर संपूर्ण देशातून संताप व्यक्त करण्यात येत आहे. यानंतर अनेक बलात्काराच्या घटना समोर येत आहेत. यातच हरियाणामधील पलवल जिल्ह्यात एक बाप-लेकीच्या नात्याला काळीमा फासणारी घटना समोर आली आहे. अल्पवयीन मुलीवर लैेगिक अत्याचार करणाऱ्या नराधम बापाला अटक करण्यात आली आहे.
पोटच्या पोरीवर बापाकडून लैगिंक अत्याचार
पत्नीच्या मृत्यूनंतर आरोपीने आपल्या पोटच्या मुलीवर लैेगिक अत्याचार केले. तसेच याबाबत कोठेही वाच्यता न करण्याची तीला धमकी दिली. मात्र, मुलीने त्रासाला कंटाळून अखेर आपल्या आजी-आजोबांना याची माहिती दिली. दरम्यान, याप्रकरणी गुन्हा दाखल करण्यात आला आहे.