कोरोना वॉरियर्स प्रती कृतज्ञता..... स्वांतत्र्य दिनाच्या पंधरा दिवस आधी लष्कराकडून देशभरात बँन्ड वादन

कोरोना योद्ध्यांप्रती कृतज्ञता व्यक्त करण्यासाठी तसेच सर्व वॉरियर्सचे कौतुक करण्यासाठी लष्कराच्या बँन्ड पथकाकडून कार्यक्रम सादर करण्यात येत आहेत. स्वातंत्र्य दिनाच्या 15 दिवस आधी विविध शहरात बँन्ड वादनाचे कार्यक्रम करण्यात येत आहेत.

नवी दिल्ली -देशभरात पहिल्यांदाच लष्कराची बँन्ड पथके स्वांतत्र्य दिनाच्या पंधरा दिवस आधीपासून विविध ठिकाणी कार्यक्रम सादर करत आहेत. लष्कर, नौदल आणि पोलिसांच्या बँन्ड पथकाने पोरबंदर, हैदराबाद, बंगळुरु, रायपुर, अमृतसर, गुवाहटी, अलाहाबाद आणि कोलकाता शहरात आपले कार्यक्रम सादर केले आहेत, अशी माहिती लष्कराने आज दिली.

कोरोना योद्ध्यांप्रती कृतज्ञता व्यक्त करण्यासाठी तसेच सर्व वॉरियर्सचे कौतुक करण्यासाठी लष्कराच्या बँन्ड पथकाकडून कार्यक्रम सादर करण्यात येत आहेत. स्वत:चा जीव धोक्यात घालून कोरोना वॉरिअर्स महामारी नियंत्रणात आणण्यासाठी प्रयत्न करत आहेत. पहिल्यांदाच स्वातंत्र्य दिनाच्या 15 दिवस आधी जल्लोषात कार्यक्रम सुरु झाल्याचे लष्कराने सांगितले.

1 ऑगस्टपासून देशातील विविध शहरात बँन्ड वादन कार्यक्रम सुरु आहेत. विशाखापट्टनम, नागपूर आणि ग्वालियार येथे आज दुपारी लष्करी आणि पोलीस पथकाने बँन्ड वादन कार्यक्रम सादर केला. तर 7 ऑगस्टला लष्करी बँन्ड पथक कोलकाता आणि श्रीनगरला कार्यक्रम सादर करणार आहे. तिन्ही दलाचे बँन्ड पथक लाल किल्ला, राजपथ आणि इंडिया गेट येथे सलग तीन दिवस 8,9 आणि 12 तारखेला कार्यक्रम सादर करणार आहे.

8 ऑगस्टला लष्कर आणि पोलिसांचे बँन्ड पथक मुंबई अहमदाबाद, शिमला, अल्मोरा येथे कार्यक्रम सादर करणार आहेत. तर 9 ऑगस्टला चेन्नई, अंदमान निकोबार आणि दांडी येथे कार्यक्रम होणार आहे. इम्फाळ, भोपाळ, झाशी, फैजाबाद, शिलाँग, मदुराई आणि चंपारण येथे 13 ऑगस्टला लष्करी कार्यक्रम होणार आहेत.