उत्तर प्रदेश : दाम्पत्य अन् त्यांच्या दोन मुलांना संपवणाऱ्या आरोपीस फाशीची शिक्षा

उत्तर प्रदेशातील बांदा जिल्ह्यात 31 जानेवारी, 2018 रोजी कुऱ्हाडीचे घाव घालून एकाच कुटुंबातील चौघांची हत्या करण्यात आली होती.

लखनऊ (उत्तर प्रदेश) -राज्यातीलबांदा जिल्ह्यात 31 जानेवरी, 2018 रोजी पती-पत्नी व त्यांच्या दोन मुलांची कुऱ्हाडीचे घाव घालून हत्या करण्यात आली होती. यातील मुख्य आरोपीला अपर सत्र न्यायाधीश यांनी शुक्रवारी (दि. 6 नोव्हेंबर) फाशीची शिक्षा सुनावली आहे. तर पुराव्याअभावी आरोपीचे मामा आणि आईची न्यायालयाने सुटका केली आहे.

• आठ वर्षीय मुलगी साक्षीदार
  

31 जानेवारी, 2018ला महादेव त्यांची पत्नी चुन्नी व त्यांची दोन मुले पवन व राजकुमार यांचा मृतदेह रक्ताच्या थारोळ्यात आढळला होता. ही खुनाची घटना दाम्पत्याच्या आठ वर्षीय मुलगी राशीने पाहिली होती. त्यानंतर तिने सकाळी शेजारी राहणाऱ्या गोलू ऊर्फ अमितने या हत्या केल्याचे सांगितले. त्यानंतर पोलिसांनी अमितला त्याच्या आई व मामासह अटक केली होती. त्यानंतर न्यायालयात याबाबत सुनावणी सुरू झाली. शुक्रवारी (दि. 6 नोव्हेंबर) न्यायाधीशांनी मुख्य आरोपी अमिला फाशी व 50 हजारांचा दंड ठोठावला. तर पुरव्यांअभावी आरोपीची आई व मामा यांची मुक्तता करण्यात आली.

मृत मुलगा

• वहिनीशी अनैतिक संबंध असल्याच्या संशयातून हत्याकांड

याबाबत पोलिसांनी मुख्य आरोपी अमितला हत्येचे कारण विचारले असता तो म्हणाला, मृत महादेव व वहिनी यांचे अनैतिक संबंध असल्याचा त्याला संशय होता. त्यामुळे त्याने अनेकवेळा महादेवला धमकीही दिली होती. मात्र, त्या दिवशी त्यांच्यात भांडण झाले, त्यानंतर त्याने महादेवला कुऱ्हाडीचा घाव घालून संपवले. ही सर्व घटना महादेवच्या पत्नी व दोन मुलांनी पाहिली त्यामुळे त्या तिघांनाही त्याने कुऱ्हाडीचे घाव घलत संपवल्याचे कबूल केले.

मृत दाम्पत्य

हेही वाचा -कंपन्यांनी मोबाईल अ‌ॅप्लिकेशन-आधारित डेटा संरक्षणाविषयी माहिती द्यावी - संयुक्त संसदीय समिती

याच कुऱ्हाडीने आरोपीने संपवले होते चौघांना