मदुराई (तामिळनाडू)- लडाखच्या गलवान खोऱ्यात झालेल्या भारत-चिनी सैन्यातील हाणामारीत भारताच्या 20 जवानांना वीरमरण आले. यात तामिळनाडूच्या रामनाथपुरम येथील हवालदार के. पलानी यांचाही समावेश आहे. त्यांचे पार्थिव बुधवारी (दि. 17 जून) तामिळनाडूनच्या मदूराई विमानतळावर दाखल झाले होते. आज (दि. 18 जून) त्यांच्या पार्थिवावर रामनाथपुरम येथे लष्करी इतमामात अंत्यसंस्कार करण्यात आले.
विमानतळावर पार्थीव दाखल होताना
सोमवारी (दि. 15 जून) रात्री व मंगळवारी (दि. 16 जून) झालेल्या भारत-चीन सैन्यातील हाणामारीत भारताच्या 20 जवानांना वीरमरण आले. तर 43 चिनी सैनिकही मारले गेले होते. त्यानंतर लष्काराच्यावतीने हुतात्मा जवानांचे पार्थिव त्यांच्या मुळगावी पोहोच करण्यात येत होते. त्याच प्रमाणे वीरजवान के. पलानी यांचे पार्थिव त्यांच्या मुळगावी पोहोचले.
लष्करी इतमामात अंत्यसंस्कारवेळचे दृश्य