'काँग्रेस सरकारने लढा न देता हजारो किमी भारतीय जमीन चीनला दिली होती'

सोमवारी भारत-चीन विषयावरून भाजपाचे राष्ट्रीय अध्यक्ष जे.पी नड्डा यांनी पंतप्रधान मनमोहन सिंग यांच्यावर निशाणा साधला. डॉ. मनमोहन सिंग त्या पक्षाचे आहेत. ज्यांनी 43 हजार कि.मी. भारतीय प्रदेश चीनला दिला. युपीए सरकारच्या काळात एक कमकुवत धोरण पाहायला मिळाले होते. त्यांनी लढा न देता जमीन चीनला दिली, असे ते म्हणाले.

नवी दिल्ली - सोमवारी भारत-चीन विषयावरून भाजपाचे राष्ट्रीय अध्यक्ष जे.पी नड्डा यांनी पंतप्रधान मनमोहन सिंग यांच्यावर निशाणा साधला. 2010 ते 2013 या काळात 600 पेक्षा जास्त वेळा चीनने घुसखोरी केली. डॉ. मनमोहन सिंग त्या पक्षाचे आहेत. ज्यांनी 43 हजार कि.मी. भारतीय प्रदेश चीनला दिला. युपीए सरकारच्या काळात एक कमकुवत धोरण पाहायला मिळाले होते. त्यांनी लढा न देता जमीन चीनला दिली, असे ते म्हणाले.

लडाखवर भाष्य करणे हा केवळ शब्दांचा खेळ आहे. काँग्रेसच्या नेत्यांनी केलेल्या वक्तव्यावर कोणताही भारतीय विश्वास ठेवणार नाही. कारण, काँग्रेसने वेळोवेळी सशस्त्र दलाचे मनोबल तोडण्याचा प्रयत्न केला आहे. पंतप्रधान मोदींवर देशावासियांचा पूर्ण विश्वास आहे, असेही ते म्हणाले.

डॉ. सिंह आणि काँग्रेस पक्षाने सैन्याच्या पराक्रमाबद्दल वारंवार प्रश्न विचारून त्यांचा अपमान करणे थांबवावे. एअर स्ट्राइक आणि सर्जिकल स्ट्राइकच्या वेळीही आपण असेच केले होते. या कठिण परिस्थितीमध्ये तरी राष्ट्रीय ऐक्याचा अर्थ समजून घ्या. अद्याप सुधारणा करण्यास उशीर झालेला नाही, असाही टोला त्यांनी काँग्रेसला लगावला.

युपीए सरकारच्या काळात आम्ही भारतीय प्रदेश चीनला देताना पाहिले आहे. सैनिकांवर विश्वास ठेवण्याची ही वेळ आहे. डॉ. मनमोहन सिंग अनेक विषयांवर आपली मते मांडू शकतात. मात्र, पंतप्रधान कार्यालयाची जबाबादारी त्यांच्यावर नाही, असेही नड्डा म्हणाले.