श्रीनगर - जम्मू काश्मीरमधली कुलगाम जिल्ह्यात सुरक्षा दलांबरोबर झालेल्या चकमकीत एक दहशतवादी ठार झाल्याची माहिती पोलिसांनी दिली. यानंतर परिसरात शोधमोहीम सुरु करण्यात आली आहे.
जम्मू काश्मिरातील कुलगाममध्ये एका दहशतवाद्याचा खात्मा, शोधमोहीम सुरू
कुलगाम जिल्ह्यात दहशतवादी लपून बसल्याची गुप्त माहिती मिळाल्यानंतर लिखडीपोरा भागात सुरक्षा दलांनी शोध मोहिम राबवली. यावेळी एका दहशतवाद्याचा खात्मा करण्यात आला.
काश्मीर चकमक
दहशतवादी लपून बसल्याची गुप्त माहिती मिळाल्यानंतर जिल्ह्यातील लिखडीपोरा भागात सुरक्षा दलांनी शोध मोहीम राबवली. यावेळी दहशतवाद्यांनी सुरक्षा दलांवर गोळीबार केला. प्रत्युत्तर दाखल जवानांनीही गोळीबार केला. यावेळी चकमकीत एक दहशतवादी ठार झाला.
ठार झालेला दहशतवाद्याची ओळख पटलेली नसून तो कोणत्या दहशतवादी संघटनेचा काम करत होता याची माहिती घेतली जात आहे. परिसरात अजूनही मोहीम सुरु असल्याची माहिती पोलिसांनी दिली.