कलबुर्गी (कर्नाटक) - देशभरात कोरोनाच्या पार्श्वभूमिवर लॉकडाऊन घोषित करण्यात आला आहे. मात्र, अशा परिस्थितीतही नियमांचे उल्लंघन करणार्‍यांची कमी नाही आहे. पोलिसही नियम पायदळी उडविणाऱ्यांना धडा शिकवण्यासाठी नवनवे प्रयोग करत आहेत. शनिवारी शहरातील एका पोलीस ठाण्यातील पोलिसांनी योग सत्र, शारीरिक व्यायाम आणि शपथविधी सोहळ्याच्या माध्यमातून लॉकडाउनचे उल्लंघन करणार्‍या 50 जणांना ताब्यात घेतले.
लोक व्यायाम करण्यात मग्न झाले होते. कॉटन मार्केट जवळ एक योग केंद्रासारखा देखावा आहे. हे नियमित योग केंद्र नसल्याचे पोलिसांनी सांगितले होते. लॉकडाऊनचे उल्लंघन करणार्‍यांना परावृत्त करण्यासाठी ही शक्कल लढवली असल्याचे चौक पोलीस ठाण्याचे सर्कल इन्स्पेक्टर शकील अंगडी यांनी सांगितले.