कटिहार - जेपी नड्डा 'चिराग' प्रज्वलित करून नितीश कुमार यांच्यासाठी खड्डा खोदत आहेत. डबल इंजीनच्या सरकारचे माहित नाही, मात्र या निवडणुकीत एक चालक असून दोन खलासी आहेत हे माहिती झाले. दोन्ही सत्तेसाठी लढा देत आहेत. अशी टीका सीपीआयचे नेते कन्हैया कुमार यांनी भाजप नेते जेपी नड्डांवर केली. तसेच, ही निवडणूक नाही, तर लुटारू सरकारला बदलन्यासाठीचे जन आंदोलन आहे, असे देखील कुमार यांनी सांगितले.
माहिती देताना सीपीआय नेते कन्हैया कुमार
येत्या ७ नोव्हेंबरला कटिहार जिल्ह्यातील ७ विधानसभा मतदारसंघात निवडणुका आहेत. या पार्श्वभूमीवर आज कन्हैया कुमार हे प्राणपूर विधानसभा मंतदारसंघातील आजम नगर येथे प्रचारासाठी आले होते. यावेळी जनतेला संबोधित करताना त्यांनी उपरोक्त टीका केली. यावेळी कुमार यांनी जनतेला महागठबंधनकडून काँग्रेसचे उमेदवार तौकीर आलम यांना मत देण्याचे आवाहन केले.