जोधपूर -शहरातील घोडा चौक परिसरात एक चार वर्षांची मुलगी खेळता खेळता उघड्या गटारात पडली. मात्र, सुदैवाने जवळच काम करत असलेल्या व्यक्तीच्या प्रसंगावधानामुळे तिचा जीव वाचला आहे. हा सर्व प्रकार सीसीटीव्ही कॅमेऱ्यामध्ये कैद झाला आहे.
उघड्या गटारात ती लहानगी पडली, अन्... पहा थरारक व्हिडिओ!
रविवारी संध्याकाळी साडेपाचच्या सुमारास ही घटना घडली होती. चौकातील मुंद्रा भवन या इमारतीसमोर असलेली ही नाली, आठ फूट खोल आहे. व्हिडिओमध्ये दिसत आहे, की चार वर्षांची वैष्णवी तिथून जात असताना अचानक तिचा पाय नाल्यात पडतो, त्यामुळे ती खाली पडते. तिथून उठण्याचा प्रयत्न करत असताना, ती पूर्णपणे नाल्यामध्ये पडते. तेवढ्यात शेजारीच काम करत असलेले ज्योतीराम पाटील, हे चपळाईने धावत येत, तिला नाल्यात बुडण्यापासून वाचवतात.
हेही वाचा : केरळच्या महिला पोलीस अधिकाऱ्याने कर्करोग ग्रस्तांसाठी केसांचे दान, पाहा व्हिडिओ