नवी दिल्ली - जवाहरलाल नेहरु विद्यापीठात (जेएनयू) वार्तांकन करण्यासाठी गेलेल्या ईटीव्ही भारतच्या पत्रकारावर विद्यार्थ्यांनी हल्ला केल्याची घटना घडली आहे. जेएनयू विद्यापीठामध्ये केंद्रीय मंत्री जितेंद्र सिंह यांच्या कार्यक्रमाचे वार्तांकन करण्यासाठी गेले असताना कार्यक्रमाला विरोध करणाऱ्या विद्यार्थ्यांनी पत्रकाराला मारहाण केली.
जेएनयूच्या विद्यार्थांनी ईटीव्ही भारतच्या पत्रकारावर केला हल्ला
जेएनयू विद्यापीठामध्ये गुरुवारी जम्मू काश्मीरचे अनुच्छेद ३७० हटवल्याच्या विषयी एका चर्चा सत्राचे आयोजन करण्यात आले होते. त्या कार्यक्रमासाठी केंद्रीय मंत्री जितेंद्र सिंह प्रमुख अतिथी म्हणून उपस्थित होते. दरम्यान या कार्यक्रमाला काही विद्यार्थांचा विरोध होता. पोस्टर आणि घोषणा देत विद्यार्थी विरोध करत होते. त्याचे रिपोर्टींग करण्यासाठी ईटीव्हीचे पत्रकार गेले होते.