भारतीय जवानांकडून 2 दहशतवाद्यांना कंठस्नान, एका पाकिस्तानी नागरिकाला अटक

जम्मू काश्मीरमधील शोपियानमध्ये भारतीय जवानांसोबत दहशतवाद्यांची चकमक उडाली. या चकमकीत भारतीय जवानांनी 2 दहशतवाद्यांना कंठस्नान घातले.

श्रीनगर - जम्मू काश्मीरमधील शोपियानमध्ये भारतीय जवानासोबत दहशतवाद्यांची चकमक उडाली. या चकमकीत भारतीय जवानांनी दोन दहशतवाद्यांला कंठस्नान घातले आहे. तसेच जम्मू पोलिसांनी बालाकोट सेक्टरजवळ एका पाकिस्तानी नागरिकाला अटक केली आहे.

दक्षिण काश्मीरमधील रेबान भागातील ख्वाजापूरा येथे दहशतवादी लपल्याची माहिती सुरक्षा दलांना मिळाली होती. त्यानुसार सुरक्षा दलाने परिसरात शोधमोहीम सुरु केली. या शोधमोहिमेदरम्यान दहशतवादी आणि सुरक्षा दलांमध्ये चकमक झाली. तेव्हा सुरक्षा दलांनी या चकमकीत 2 दहशतवाद्यांचा खात्मा केला. त्या ठिकाणी 3 ते 4 दहशतवादी लपून बसल्याची माहिती आहे, असे अधिकाऱ्याने सांगितले.