Chandrayaan-2 : विक्रम लँडर मिळाले, लवकरच संपर्क होण्याची शक्यता - डॉ. के. सिवन

चंद्रापासून २.१ किमी दूर असताना विक्रम लँडरचा नियंत्रण कक्षाशी संपर्क तुटला होता. चंद्राभोवती फिरणाऱ्या ऑर्बिटरने विक्रम लँडरची थर्मल छायाचित्रे घेतली आहेत. ज्यामुळे विक्रम लँडर कुठे आहे याचा अंदाज इस्रोला लावता येत आहे. विक्रम लँडरशी संपर्क साधण्यास १४ दिवसांता कालावधी लागू शकतो, असे इस्त्रोचे प्रमुख डॉ. के. सिवन म्हणाले.

बंगळुरु - चंद्रावर विक्रम लँडरचे नेमके स्थान शोधण्यात इस्रोला यश मिळाले आहे. चंद्राभोवती फिरणाऱ्या ऑर्बिटरने विक्रम लँडरची थर्मल छायाचित्रे घेतली आहेत. ज्यामुळे विक्रम लँडर कुठे आहे याचा अंदाज इस्रोला लावता येत आहे.
विक्रम लँडरशी अद्याप संपर्क साधला गेला नसला, तरी त्यासाठी शर्थीचे प्रयत्न सुरु आहेत. लवकरच विक्रमशी संपर्क साधला जाऊ शकेल, असे इस्रोचे प्रमुख डॉ. के. सिवन यांनी स्पष्ट केले.

हेही वाचा : इस्रोच्या चांद्रयान मोहिमेवर नासाची प्रतिक्रिया...

चंद्रापासून २.१ किमी दूर असताना विक्रम लँडरचा नियंत्रण कक्षाशी संपर्क तुटला होता. विक्रम लँडरशी संपर्क साधण्यास १४ दिवसांता कालावधी लागू शकतो, असे इस्रोचे प्रमुख के. सिवन म्हणाले होते.

जगभरातून भारतीय शास्त्रज्ञांचे चांद्रयान-२ च्या मोहिमेचे कौतुक होत आहे. ऑस्ट्रेलिया, संयुक्त अरब अमिरात आणि अमेरिकेच्या अंतराळ संशोधन संस्थेने या कामगिरीबद्दल कौतुक केले आहे.

या मोहीमेचा इतर मोहीमांवर परिणाम होणार नसल्याचे त्यांनी सिवन यांनी सांगितले. चांद्रयान मोहिमेनंतर इस्रो गगनयान मोहीमेमध्ये व्यस्त असल्याचेही त्यांनी सांगितले.

हेही वाचा : 'चांद्रयान- 2 मोहीम ९५ टक्के यशस्वी', ऑर्बिटर ७ वर्षे करणार चंद्राचा अभ्यास