नवी दिल्ली - आयएनएक्स मीडिया प्रकरणात, पी. चिदंबरम यांचे कुटुंब सध्या सीबीआयच्या ताब्यात आहे. त्यासंबंधी चौकशी सुरू असताना, चिदंबरम यांच्यावरील आरोपासंबंधी पुरावे गोळा करण्याचे आव्हान कार्ती चिदंबरम याने कुटुंबियांच्या वतीने केले आहे. आपले मत व्यक्त करण्यासाठी तो सध्या ट्विटरचा वापर करत आहे.
आमचे कुटुंब एक सधन कुटुंब आहे. आम्हाला पैशाची हाव नाही, आणि पैसे मिळवण्यासाठी गैरमार्गांचा वापर करण्याचीदेखील गरज नाही. असे कार्ती याने ट्विट करत म्हटले आहे. तसेच, चिदंबरम यांचा प्रामाणिकपणा, त्यांचे काम आणि त्यांचे योगदान हे लबाडीच्या कारस्थानाने पुसून टाकता येणार नाही. सरकारने आरोप केल्याप्रमाणे त्यांचे एखादे बँक खाते, संपत्ती वा शेअर असल्याचे सरकारने पुराव्यानिशी सिद्ध करुन दाखवावे. असे देखील चिदंबरम कुटुंबियांचे म्हणणे आहे.