काश्मीर - पाकिस्तानकडून जम्मू-काश्मीरमधील शांतता भंग करण्यासाठी वारंवार कुरापती काढण्यात येत आहेत. नुकतेच भारतीय लष्कराला पाकिस्तानकडून घुसखोरी करण्यात येत असल्याचे ताजे पुरावे मिळाले आहेत. भारतीय लष्कराकडून 12-13 सप्टेंबर 2019 चे फुटेज मिळाले आहे. यामध्ये जमिनीवरून आडमार्गाने भारताच्या सीमेवर घुसखोरी केली जात असल्याचे स्पष्ट दिसत आहे.
ही कारवाई दहशतवाद्यांची किंवा पाकिस्तानच्या सीमा कारवाई दलाकडूनही (BAT - Border Action Team) जाणीवपूर्वक केलेली असू शकते, असा अंदाज भारतीय लष्कराने वर्तवला आहे. या व्हिडिओमध्ये भारतीय सैन्यदल पाकिस्तानच्या विशेष सेवा दलाच्या कमांडोज किंवा दहशतवाद्यांवर ग्रेनेड तोफा (Under Barrel Grenade Launchers) रोखून असल्याचे दिसत आहे.