गेल्या 24 तासात 75 हजार नव्या रुग्णांची नोंद; देशातील एकूण कोरोनाग्रस्तांची संख्या ६५ लाखांवर..

काल दिवसभरात एकूण 940 कोरोना रुग्णांचा मृत्यू झाला. त्यानंतर, देशातील एकूण कोरोना बळींची संख्या 1 लाख 1 हजार 782 झाली आहे. आतापर्यंत देशभरात 65 लाख 49 हजार 374 कोरोना रुग्णांची नोंद झाली असून, त्यांपैकी 9 लाख 37 हजार 625 रुग्ण अ‌ॅक्टिव्ह आहेत.

नवी दिल्ली : गेल्या 24 तासांमध्ये देशात 75 हजार 829 नव्या कोरोना रुग्णांची नोंद झाली. यामुळे देशातील एकूण कोरोना रुग्णांची संख्या 65 लाखांवर गेली आहे. केंद्रीय आरोग्य मंत्रालयाने रविवारी याबाबत माहिती दिली.

यासोबतच, काल दिवसभरात एकूण 940 कोरोना रुग्णांचा मृत्यू झाला. त्यानंतर, देशातील एकूण कोरोना बळींची संख्या 1 लाख 1 हजार 782 झाली आहे. आतापर्यंत देशभरात 65 लाख 49 हजार 374 कोरोना रुग्णांची नोंद झाली असून, त्यांपैकी 9 लाख 37 हजार 625 रुग्ण अ‌ॅक्टिव्ह आहेत. तसेच, आतापर्यंत 55 लाख 9 हजार 967 रुग्णांवर यशस्वी उपचार करण्यात आले आहेत.

दरम्यान, काल दिवसभरात 11 लाख 42 हजार 131 कोरोना चाचण्या पार पडल्या. यानंतर देशातील एकूण कोरोना चाचण्यांची संख्या 7 कोटी, 89 लाख, 92 हजार 534 एवढी झाली आहे.