नवी दिल्ली : गेल्या २४ तासांमध्ये देशात तब्बल ८३ हजार ३४१ नव्या कोरोना रुग्णांची नोंद झाली. यानंतर देशातील एकूण कोरोना रुग्णांची संख्या ३९ लाखांवर गेली आहे. केंद्रीय आरोग्य मंत्रालयाने शुक्रवारी याबाबत माहिती दिली.
यासोबतच, काल दिवसभरात एकूण १,०९६ कोरोना रुग्णांचा मृत्यू झाला. त्यानंतर, देशातील एकूण कोरोना बळींची संख्या ६८ हजार ४७२ झाली आहे. आतापर्यंत देशभरात ३९ लाख ३६ हजार ७४८ कोरोना रुग्णांची नोंद झाली असून, त्यांपैकी ८ लाख ३१ हजार १२४ रुग्ण अ‌ॅक्टिव्ह आहेत. तसेच, आतापर्यंत ३० लाख ३७ हजार १५२ रुग्णांवर यशस्वी उपचार करण्यात आले आहेत.