भारत आणि नेपाळमध्ये आज होणार उच्चस्तरीय ऑनलाइन बैठक

भारताचे नेपाळमधील राजदूत मोहन क्वात्रा हे नेपाळचे परराष्ट्र सचिव शंकर दास बैरागी यांच्यासोबत चर्चा करणार आहेत.

नवी दिल्ली - भारत आणि नेपाळमध्ये आज सोमवारी उच्चस्तरीय ऑनलाइन बैठक होण्याची शक्यता आहे. ही बैठक नेपाळमध्ये प्रगतीपथावर असलेल्या विविध प्रकारच्या प्रकल्पा संदर्भात चर्चा होणार आहे.

भारताचे नेपाळमधील राजदूत मोहन क्वात्रा हे नेपाळचे परराष्ट्र सचिव शंकर दास बैरागी यांच्यासोबत चर्चा करणार आहेत. ही उच्चस्तरीय बैठक नेपाळने आपल्या वादग्रस्त नकाशाला मान्यता दिल्यानंतर प्रथमच होत आहे. नेपाळमध्ये प्रगतीपथावर असलेल्या विविध प्रकारच्या प्रकल्पाबाबत चर्चा होणार आहे.

भारताने नेपाळचा फेटाळला आहे दावा

भारताकडून नेपाळमधील पायाभूत विकासांसाठी अनेक वर्षांपासून मदत करण्यात येत आहे. तिन्ही भूभाग नेपाळमध्ये असल्याचा दावा हा इतिहासातील वस्तुस्थितीवर व पुराव्यावर आधारित नाही. नेपाळचा दावा म्हणजे कृत्रिमपणे केलेला विस्तार आहे, असे भारत सरकारने म्हटले होते. सीमेबाबत रखडलेल्या प्रश्नाबाबत नेपाळच्या कृतीने उल्लंघन झाल्याचे परराष्ट्र मंत्रालयाचे प्रवक्ते अनुराग श्रीवास्तव यांनी म्हटले होते.