नवी दिल्ली- काल दिवसभरात सलग दुसऱ्या दिवशी जवळपास हजार रुग्णांची नोंद झाली. गेल्या २४ तासांमध्ये देशात ९०९ नवे रुग्ण आढळून आले आहेत. त्यामुळे एकूण कोरोना रुग्णांची संख्या ८,३६५ वर पोहोचली आहे. राज्यनिहाय आकडेवारी पाहता महाराष्ट्र, दिल्ली आणि तामिळनाडूमध्ये सर्वाधिक रुग्ण आढळून आले आहेत. महाराष्ट्रानंतर दिल्लीनेही हजार रुग्णांचा टप्पा ओलांडला आहे.
यातील ७,३६७ रुग्ण अ‌ॅक्टिव आहेत. तर, ७१६ जण पूर्णत: बरे झाले आहेत. गेल्या २४ तासांमध्ये देशात ३४ रुग्णांचा मृत्यू झाला आहे. त्यामुळे देशातील कोरोनाच्या बळींची संख्या २७३ वर पोहोचली आहे. केंद्रीय आरोग्य मंत्रालयाने याबाबत माहिती दिली.