नवी दिल्ली - लॉकडाऊन आणि नागरिकांच्या हालचालीवर नियंत्रण आणण्यासारखे उपाय कोरोना रोखण्यासाठी खुप महत्त्वाचे आहे. जर आपण हे उपाय राबविले नसते तर 2 लाखांपर्यंत कोरोनाचे रुग्ण भारतात आढळून आले असते, असे आरोग्य मंत्रालयाचे संयुक्त सचिव लव अगरवाल म्हणाले आहेत.
देशामध्ये आत्तापर्यंत 7 हजार 447 रुग्ण आढळून आले आहेत. तर 642 जण पूर्णत: बरे झाले आहेत. मागील 24 तासात देशात 1 हजार 35 नवे कोरोनाचे रुग्ण आढळून आले असून 40 जणांचा मृत्यू झाला आहे. तर 239 रुग्ण दगावले आहेत, अशी माहिती आरोगय मंत्रालयाने दिली आहे.