नवी दिल्ली - उत्तर प्रदेशात समाजवादी पक्ष आणि मायावतींच्या बहुजन समाज पक्षाने युती केली आहे. अखिलेश यादव आणि मायावती यांनी पत्रकार परिषद घेत आगामी निवडणुकीसाठी युतीची घोषणा केली होती. अशातच समाजवादी पक्षाचे माजी अध्यक्ष मुलायमसिंह यादव यांनी आज लोकसभेत चक्क पंतप्रधान नरेंद्र मोदी यांची स्तुती केली आहे.
नरेंद्र मोदी यांना दुसऱ्यांदा पंतप्रधान होताना पाहायचे आहे, असे वक्तव्य समाजवादी पक्षाचे खासदार मुलायमसिंग यादव यांनी केले आहे. सर्व खासदार पुन्हा एकदा निवडून यावेत, अशी आपली इच्छा असल्याचेही मुलायम सिंग यांनी सांगितले. आज १६व्या लोकसभा बैठकीचा शेवटचा दिवस आहे. मुलायम सिंग यांनी लोकसभेत बोलताना हे वक्तव्य केले आहे.