शाजापूर (मध्यप्रदेश) - शहरातील एका रुग्णालयात मानवतेला लाजवणारा प्रकार समोर आला आहे. उपचारानंतर फी भरण्यासाठी पैसे नसल्याने एका ८० वर्षांच्या वृद्धाला बेडला बांधून ठेवल्याची धक्कादायक घटना उघडकीस आलीय. जवळील सर्व पैसे उपचारासाठी खर्च केले. आता उर्वरित पैसे भरण्याची ऐपत नसल्याने रुग्णालय प्रशास डिस्चार्ज देत नसल्याचा आरोप रुग्णाच्या मुलीने केला आहे. यासाठी वडिलांना दोरीने बांधून ठेवल्याचे त्यांनी सांगितले. गेल्या पाच दिवसांपासून रुग्णांला बांंधून ठेवले असून आमचे ऐकण्यास कोणीही तयार नसल्याचे त्या म्हणाल्या.
उपचारानंतर फी भरण्यासाठी पैसे नसल्याने एका ८० वर्षांच्या वृद्धाला बेडला बांधून ठेवल्याचा धक्कादायक प्रकार शाजापूर जिल्ह्यात समोर आला