शिमला - हिमाचलच्या चंबा जिल्ह्यामध्ये झालेल्या एका अपघातात, पाच जणांचा मृत्यू झाला आहे, तर ३५ हून अधिक लोक गंभीर जखमी झाले आहेत. राज्य परिवहन मंडळाची बस दरीत कोसळून हा अपघात झाला.
हिमाचलमध्ये बस दरीत कोसळली; पाच जणांचा मृत्यू तर ३५ गंभीर जखमी..
मिळालेल्या माहितीनुसार, या बसमध्ये साधारणपणे ४० प्रवासी होते. चालकाचे नियंत्रण सुटल्याने ही बस १०० मीटर खोल दरीत कोसळली. यात चार प्रवासी जागीच ठार झाले, तर बाकी सर्व गंभीर जखमी झाले. लोकांच्या ओरडण्याचा आवाज ऐकून आजूबाजूच्या परिसरातील लोक मदतीला धावले. तसेच पोलिसांनीही तातडीने बचावकार्यास सुरुवात केली. जखमींना पंडित जवाहरलाल नेहरू वैद्यकीय महाविद्यालयात दाखल करण्यात आले आहे.