नवी दिल्ली - काँग्रेस सेवा दलाच्या प्रशिक्षण शिबिरात काल (शुक्रवारी) वाटण्यात आलेल्या पुस्तिकेवरून वाद पेटला आहे. सावरकर आणि गोडसे यांच्याबद्दल सेवा दलाच्या प्रशिक्षण शिबिरात वादग्रस्त साहित्य वाटण्यात आले. यावरून भाजप आणि काँग्रेसच्या नेत्यांमध्ये चांगलीच जुंपली होती. आज हिंदू महासभेचे अध्यक्ष स्वामी चक्रपाणी यांनी राहुल गांधीवर हल्लाबोल केला आहे. राहुल गांधीही समलिंगी असल्याचे आम्ही ऐकलं असल्याचे त्यांनी म्हटले आहे.
मध्यप्रदेशातील भोपाळमध्ये काँग्रेस सेवा दलाचे प्रशिक्षण शिबीर पार पडले. त्यामध्ये एक पुस्तिका वाटण्यात आली होती. त्यामध्ये स्वातंत्र्यवीर सावरकर आणि नथुराम गोडसे यांचे शारिरीक संबंध असल्याचा उल्लेख केला आहे. या वक्तव्याचा भाजप नेत्यांनी तीव्र शब्दांत निषेध केला होता. त्यावरून स्वामी चक्रपाणी यांनी राहुल गांधींवर निशाणा साधला आहे.