पणजी - गोव्यात आज (बुधवारी) पहाटे मुसळधार पाऊस झाला. या पावसामुळे राज्यात अनेक ठिकाणी पडझड झाली. रस्त्यावर अनेक ठिकाणी पाणी साचल्याने रस्त्याला तळ्याचे स्वरूप प्राप्त झाले होते. तसेच अनेक ठिकाणी संरक्षक भिंती कोसळल्या.
घरावर झाड कोसळले
राज्यात तब्बल दोन आठवडे उशिराने मान्सून दाखल झाला. सुरुवातीला म्हणावा तसा मान्सून सक्रीय झाला नव्हता, असे वाटत असतानाच बुधवारी सकाळपासून झालेल्या जोरदार पावसामुळे अनेक ठिकाणी रस्त्यावर झाडे उन्मळून पडली. तर काही ठिकाणी संरक्षक भिंत कोसळल्या. गटारे तुंबून रस्त्यांना तळ्याचे स्वरूप प्राप्त झाले होते. त्यामुळे वाहनचालकांना त्रास झाला.