श्रीनगर -जम्मू काश्मीरमधील अनंतनाग जिल्ह्यात पोलीस उपायुक्त कार्यालयाबाहेर ग्रेनेड हल्ला झाला आहे. या हल्ल्यात १० जण जखमी झाले आहेत. जखमींमध्ये एक वाहतूक पोलीस आणि एका पत्रकाराचा समावेश आहे. हल्ल्यात कोणीही गंभीर जखमी झाले नसल्याची माहिती मिळाली आहे. या बाबतचे वृत्त एएनआय या वृत्तसंस्थेने दिले आहे.
जखमींना रुग्णालयात दाखल करण्यात आले असून पोलिसांनी हल्लेखोराचा तपास सुरू केला आहे. हल्लेखोराची ओळख पटवण्यासाठी पोलिसांनी मोहीम हाती घेतली आहे.