तिरूवअनंतपुरम - नरेंद्र मोदी आणि नथुराम गोडसे हे एकाच विचारधारेचे आहेत. त्या दोघांमध्ये काहीही फरक नाही. मात्र, मोदींमध्ये हे मान्य करण्याचे धाडस नसल्याचे म्हणत राहुल गांधी यांनी मोदींवर टीकास्त्र सोडले आहे. ते केरळमधील वायनाड या त्यांच्या मतदारसंघात बोलत होते.
वायनाडमध्ये संविधान वाचवा मोर्चाचे आयोजन करण्यात आले होते. या मोर्चाचे नेतृत्व काँग्रेस नेते राहुल गांधी यांनी केले. यावेळी बोलताना त्यांनी मोदींवर कडाडून टीका केली. नथुराम गोडसेने महात्मा गांधींना गोळी मारली, कारण त्याला स्वतःवर विश्वास नव्हता, त्याचा इतर कोणावरही विश्वास नव्हता, त्याचे केवळ स्वतःवर प्रेम होते. आपले पंतप्रधानही तसेच आहेत, तेही केवळ स्वतःवर प्रेम करतात, आणि केवळ स्वतःवर विश्वास ठेवतात, असे राहुल म्हटले.