रायपूर - राज्यातील १६ नक्षलवाद्यांनी दंतेवाडा पोलिसांच्या उपस्थितीत आत्मसमर्पण केले आहे. यातील काही नक्षलवादी जहाल असून त्यांच्यावर रोख रकमेचे बक्षिसही होते. माओवाद्यांच्या विचारधारेत बदल झाल्याचे म्हणत त्यांनी शस्त्र खाली ठेवले आहे. या १६ जणांमध्ये ४ महिला नक्षलवाद्यांचाही सहभाग आहे.
दंतेवाडातील १६ नक्षलवाद्यांचे आत्मसमर्पण
नक्षली चळवळ सोडावी म्हणून पोलिसांकडून पुनर्वसन अभियानही राबविण्यात येत आहे. त्यामुळे चळवळ सोडून १६ जण मुख्य प्रवाहात येण्यास मदत झाली. यातील तिघांवर पोलिसांनी १ लाखांचे बक्षिस ठेवले होते. राजेश भास्कर(२६), सादे पारसिक उर्फ शहादेव(३०), भीम तीलम हे तिघे नक्षलवादी चळवळीत कमांडर पदी होते. त्यांच्यावर १ लाखांचे ईनाम ठेवण्यात आले होते. दंतेवाडाचे पोलीस अधिक्षक अभिषेक पल्लव यांच्या उपस्थितीत सर्वांनी आत्मसमर्पण केले.