भोपाळ - बालाघाटातील बेहरमार्गावर असलेल्या गांगुलपरा दरीमध्ये एक ट्रक उलटून अपघात झाला. या अपघातात चारजणांचा मृत्यू झाला तर आठजण गंभीर जखमी झाले आहेत. जखमींना उपचारासाठी जिल्हा रुग्णालयात दाखल करण्यात आले. त्यातील दोघांना पुढील उपचारांसाठी नागपूर शासकीय महाविद्यालयात पाठवण्यात आले आहे.
अपघातात चौघांचा मृत्यू -
एका दुचाकीस्वाराला वाचवण्याच्या प्रयत्नात चरोटा भाजी आणि झाडूने भरलेल्या ट्रकचा अपघात झाला. चालकाचे ट्रकवरील नियंत्रण सुटल्याने हा अपघात झाला. यात दुचाकीस्वारासह चार आदिवासींचा मृत्यू झाला. पायली गावाचे रहिवासी असणारे हे झाडू कारागीर कच्चा माल घेऊन परत येत होते. अपघातात आठ जण जखमी झाले, अशी प्राथमिक माहिती मिळाली आहे.