चोरांना चोपणाऱ्या 'त्या' दबंग आजी-आजोबांचा शौर्य पुरस्काराने सत्कार

चोरीच्या इराद्याने घरात शिरलेल्या चोरांना वृद्ध दाम्पत्याने पळवून लावल्याची थरारक घटना तामिळनाडूतील तिरुनवेली येथे घडली होती. त्या दबंग आजी-आजोबांचा शौर्य पुरस्काराने सत्कार करण्यात आला आहे.

चेन्नई -चोरीच्या उद्देशाने घरात शिरलेल्या चोरांना वृद्ध दाम्पत्याने पळवून लावल्याची थरारक घटना तामिळनाडूतील तिरुनवेली येथे घडली होती. त्या दबंग आजी-आजोबांना शौर्य पुरस्काराने सन्मानित करण्यात आले आहे.

शन्मुगवली हे कल्यानीपूरममध्ये शेती करतात. रात्रीच्या वेळी ते घराच्या बाहेर बसलेले असताना दोन चोरांनी घराच्या मागून येत त्यांच्यावर हल्ला केला. याच वेळेस त्यांच्या पत्नी बाहेर आल्या. या दोघांनी चोरांचा प्रखर विरोध केल्याने चोर तेथून पळाले. मात्र, चोरांनी 4 तोळ्याची सोन्याची चैन पळवली आहे. या घटनेचा थरारक व्हिडिओ सीसीटीव्ही कॅमेरामध्ये कैद झाला होता.

या घटनेत शन्मुगवली यांच्या हाताला काही जखमा झाल्या आहेत. या घटनेमुळे परिसरात भीतीचे वातावरण असले तरी शन्मुगवली आणि त्यांच्या पत्नीने दाखवलेल्या शौर्याबद्दल त्यांचे कौतुक होत आहे.