ई-क्लासमुळे गोमेकॉचा देशभरातील रुग्णालयांशी संपर्क

गोवा कॅन्सर सोसायटी आणि गोवा वैद्यकीय महाविद्यालय यांनी संयुक्तपणे 'भारतील कर्करोगाचे वाढते प्रमाण' याविषयावर महाविद्यालयाच्या सभागृहात कोलकाताच्या टाटा मेमोरियल रुग्णालयाचे डॉ. मोहनलाल मल्लत यांचे व्याख्यान आयोजित करण्यात आले होते. याचे औचित्य साधून ई-क्लासचे उद्घाटन करण्यात आले.

पणजी -गोवा वैद्यकीय महाविद्यालय रुग्णालयाचा ई-क्लास करण्यात आला आहे. जो नॅशनल नॉलेज लाईनद्वारे देशभरातील रुग्णालयांशी जोडण्यात आला आहे. याचे उद्घाटन गोव्याचे आरोग्य मंत्री विश्वजीत राणे यांच्या हस्ते करण्यात आले.

गोवा कॅन्सर सोसायटी आणि गोवा वैद्यकीय महाविद्यालय यांनी संयुक्तपणे 'भारतील कर्करोगाचे वाढते प्रमाण' याविषयावर महाविद्यालयाच्या सभागृहात कोलकाताच्या टाटा मेमोरियल रुग्णालयाचे डॉ. मोहनलाल मल्लत यांचे व्याख्यान आयोजित करण्यात आले होते. याचे औचित्य साधून ई-क्लासचे उद्घाटन करण्यात आले. यावेळी गोवा कॅन्सर सोसायटीचे अध्यक्ष श्रीनिवास धेंपो, उपाध्यक्ष डॉ. सुरेश शेटये, डॉ. महेश नाईक, गोमेकॉचे अधिष्ठाता डॉ. शिवानंद बांदेकर आदी उपस्थित होते.

यावेळी बोलताना आरोग्य मंत्री राणे म्हणाले, "कर्करोगाचे प्रमाण देशात वाढत आहे. या रोगाने गोव्याचे तत्कालीन मुख्यमंत्री गमावले आहेत. यासाठी जागृती आवश्यक आहे. परंतु, ती घडून येण्यासाठी प्रत्येकाने योगदान दिले पाहिजे. त्यासाठी या वर्षाअखेरपर्यंत गोव्यात अत्याधुनिक प्रयोगशाळा उभारण्यात येणार आहेत"

कर्करोगाविषयी जनजागृती करणे हा सोसायटीचा उद्देश असल्याचे सोसायटीचे अध्यक्ष धेंपो यांनी म्हटले आहे. या रोगाचा प्रतिबंध कसा करावा आणि हा ओळखावा यासाठी डॉक्टरांनी संस्थेला थोडा वेळ द्यावा, असे आवाहनही त्यांनी यावेळी केले.