हजारीबाग - कोरोना विषाणूचा प्रसार रोखण्यासाठी कार्यरत असणाऱ्या आरोग्य सेवकांच्या लहान मुलांसाठी हजारीबाग जिल्हा प्रशासनाने हजारीबाग वैद्यकिय महाविद्यालय परिसरात समाजकल्याण विभागाच्या सहकार्याने बाल संगोपन केंद्र सुरू केले आहे. या केंद्रात मुलांकडे लक्ष देण्यासाठी महिला कर्मचारी नियुक्त करण्यात आले आहेत.
Corona: हजारीबाग जिल्हा प्रशासनाने आरोग्य सेवकांच्या मुलांसाठी सुरु केले बाल संगोपन केंद्र
कोरोनाबाधित रुग्णांची वाढती संख्या लक्षात घेऊन जिल्ह्यातील आरोग्य विभागाच्या सर्व कर्मचाऱ्यांचे कामाचे तास वाढवण्यात आले आहेत. यामुळे रुग्णालय आणि आरोग्य केंद्रात सेवा देणाऱ्या कर्मचाऱ्यांना त्यांच्या मुलांकडे लक्ष द्यायला वेळ मिळत नाही. हे लक्षात घेऊन बाल संगोपन केंद्र सुरू करत असल्याचे डॉ. भुवनेश प्रताप सिंह यांनी सांगितले.