देवरगट्टू लाठीयुद्ध : देवतांचा विवाह साजरा करणारा रक्तरंजित उत्सव!

दरवर्षी विजयादशमीच्या निमित्ताने आंध्र प्रदेशच्या कुर्नूल जिल्ह्यातील १३ गावचे गावकरी एक विशेष उत्सव साजरा करतात. पारंपारिक देवरगट्टू लाठीयुद्ध उत्सव, ज्यामध्ये या तेरा गावातील लोक वेगवेगळे गट करुन एकमेकांशी लाठीयुद्ध खेळतात. दरवर्षी हा रक्तरंजित असा उत्सव तितक्याच उत्साहाने साजरा केला जातो.

अमरावती -दरवर्षी विजयादशमीच्या निमित्ताने आंध्र प्रदेशच्या कुर्नूल जिल्ह्यातील १३ गावचे गावकरी एक विशेष उत्सव साजरा करतात. पारंपरिक देवरगट्टू लाठीयुद्ध उत्सव, ज्यामध्ये या तेरा गावातील लोक वेगवेगळे गट करुन एकमेकांशी लाठीयुद्ध खेळतात. दरवर्षी हा रक्तरंजित असा उत्सव तितक्याच उत्साहाने साजरा केला जातो.

जिल्ह्यातील होळगुंडा मंडळाच्या देवेरगुट्टा येथे हा उत्सव साजरा केला जातो. या उत्सवाला 'बन्नी फेस्टीवल' देखील म्हणतात. श्री मल्लेश्वरी स्वामी आणि श्री मलम्मा यांच्या मूर्तींच्या मिरवणुकीदरम्यान विविध गावांमधील लोकांचे गट एकमेकांरह लाठीयुद्ध खेळतात. केवळ आंध्राच नाही, तर तेलंगाणा आणि कर्नाटकामधील भक्तही दरवर्षी या उत्सवामध्ये सहभागी होतात.

या उत्सवादरम्यान कोणताही अनुचित प्रकार होऊ नये यासाठी पोलिसांनी कडक बंदोबस्त ठेवला आहे. जिल्हा आरोग्य अधिकाऱ्यांनीही ३० खाटा असलेले तात्पुरते आरोग्य सेवा केंद्र उभे केले आहे. मात्र, पोलीस बंदोबस्ताचा जास्त उपयोग होताना दिसून येत नाहीये, कारण आतापर्यंत या लाठीयुद्धामध्ये जवळपास ७० लोक जखमी झाले आहेत.

पोलिसांनी सीसीटीव्ही कॅमेरे आणि ड्रोनसह जवळपास १००० लोक तैनात केले आहेत. यासोबतच, देवरगट्टूमध्ये लाठीयुद्ध न करण्याबाबत पोलीस जनजागृती देखील करत आहेत.

हेही वाचा : विजयादशमी निमित्त अमृतसरमध्ये इम्रान खान यांच्या पुतळ्याचे दहन