नवी दिल्ली - दिल्ली हिंसाचारामध्ये 50 पेक्षा जास्त लोकांचा मृत्यू झाला आहे. दिल्ली पोलिसांनी याप्रकरणी आतापर्यंत 712 गुन्हे दाखल केले असून 200 पेक्षा अधिक ओरोपींना अटक केली आहे. शहरातील परिस्थिती सामान्य असल्याचे दिल्ली पोलीस प्रवक्ते एम. एस. रंधावा यांनी सांगितले.
पोलीस उपायुक्तांच्या कार्यालयामध्ये दिल्ली हिंसाचारावरील तक्रारी नोंदवण्यासाठी विशेष डेस्क तयार करण्यात आला आहे. माध्यमे आणि लोकांच्या मदतीने अनेक व्हिडिओ मिळाले असून आरोपींची ओळख पटवण्यास या व्हिडिओंची मदत होत आहे, अशी माहिती रंधावा यांनी दिली.