नवी दिल्ली - जागतिक आरोग्य संघटनेने कोरोनाला 'जागतिक महामारी' घोषित केल्यानंतर केजरीवाल सरकारने दिल्लीमध्ये कोरोनाला महामारी घोषित केले आहे. सरकारने ३१ मार्चपर्यंत चित्रपटगृहे आणि सर्व शाळा महाविद्यालये बंद ठेवण्याचा निर्णय घेतला आहे.
आरोग्य विभागाच्या तयारीचा आढावा घेण्यासाठी उपराज्यपाल अनिल बैजल यांनी बैठक घेतली. या बैठकीत मुख्यमंत्री अरविंद केजरीवाल, आरोग्य मंत्री सत्येंद्र जैन, राज्याचे मुख्य सचिव विजय देव उपस्थित होते. कोरोना आजाराला महामारी घोषित करण्याचा निर्णय या बैठकीत घेण्यात आला.