नवरात्रीच्या पहिल्या दिवशी हिमाचलच्या मंदिरांत भाविकांची गर्दी

ऊना जिल्ह्यातील चिंतपूर्णी मंदिराचे अधिकारी जीवन कुमार यांनी उत्सवाच्या तोंडावर कोरोना विषाणूचा प्रसार रोखण्यासाठी आवश्यक ती व्यवस्था करण्यात आली आहे, असे सांगितले. मंदिर दररोज सकाळी 5 ते रात्री 11 या वेळेत भाविकांसाठी खुले असेल, अशी माहिती त्यांनी दिली. दररोज 15 ते 20 हजार भाविक येण्याची अपेक्षा आहे, असे ते म्हणाले.

शिमला - कोविड -19 च्या साथीच्या काळातही शनिवारी नवरात्रीच्या पहिल्या दिवशी हिमाचल प्रदेशात भाविकांनी मंदिरांत प्रचंड गर्दी केली होती.

ऊना जिल्ह्यातील चिंतपूर्णी मंदिराचे अधिकारी जीवन कुमार यांनी उत्सवाच्या तोंडावर कोरोना विषाणूचा प्रसार रोखण्यासाठी आवश्यक ती व्यवस्था करण्यात आली आहे, असे सांगितले. मंदिर दररोज सकाळी 5 ते रात्री 11 या वेळेत भाविकांसाठी खुले असेल, अशी माहिती त्यांनी दिली. दररोज 15 ते 20 हजार भाविक येण्याची अपेक्षा आहे, असे ते म्हणाले.

याशिवाय, बिलासपूर जिल्ह्यातील नैना देवी मंदिर, कांगडा जिल्ह्यातील ज्वालाजी व चामुंडा देवी मंदिर, हमीरपूर जिल्ह्यातील बाबा बालक नाथ मंदिर तसेच, शिमला जिल्ह्यातील भीमाकाली व हातेश्वरी मंदिरात हजारो भाविकांनी गर्दी केली होती.

एका वरिष्ठ पोलिस अधिकाऱ्याने माध्यमांशी बोलताना सर्व प्रमुख मंदिरात गर्दी व्यवस्थापित करण्यासाठी कडेकोट सुरक्षा बंदोबस्त आणि क्लोज सर्किट टेलिव्हिजन (सीसीटीव्ही) कॅमेरे बसविण्यात आले आहेत, असे सांगितले.

हेही वाचा -पेप्सिको उत्तर प्रदेशात सुरू करणार बटाटा चिप्सचे प्लँट

कोरोना विषाणूच्या प्रादुर्भावामुळे सुमारे सहा महिने बंद राहिल्यानंतर राज्यातील मंदिरे 10 सप्टेंबरला पुन्हा उघडण्यात आली.

जे लोक मंदिरात येऊ शकत नाहीत, त्यांनी ब्रजेश्वरी देवी, नैना देवी, चिंतापूर्णी आणि ज्वालाजी मंदिरांचे ऑनलाइन दर्शन घ्यावे, असे राज्य सरकारने म्हटले आहे. तसेच, ते ऑनलाइन प्रसादही घेऊ शकतील, असे सांगण्यात आले आहे.

याशिवाय प्रसिद्ध मंदिर माता चिंतामूर्णीच्या व्यवस्थापनाने जुलै महिन्यापासूनच भारतीय टपाल खात्यामार्फत 'प्रसाद भोग'ची होम डिलीव्हरी सुरू केली होती.

हेही वाचा -म्हैसूर दसरा : म्हैसूर पॅलेसमध्ये शरणनवरात्रीचे विधी, खास दरबार सुरू