भारतात कोरोनाग्रस्तांचा आकडा 1 हजारांच्या पुढे; 96 जणांना 'डिस्चार्ज'

सर्वात जास्त 186 रुग्ण महाराष्ट्रात असून केरळमध्ये 182 जण आढळून आले आहेत. कर्नाटकात त्याखालोखाल 76 जण कोरोनाग्रस्त रुग्ण सापडले आहेत.

नवी दिल्ली - देशभरामध्ये कोरोनाग्रस्तांची संख्या वाढून 1 हजार 24वर पोहचली आहे. यातील 901 रुग्ण अ‌ॅक्टिव्ह स्टेजमध्ये म्हणजेच कोरोना संसर्ग झालेले आहेत. तर 96 जर पूर्णत: बरे झाले असून 27 जणांचा मृत्यू झाला आहे. केंद्रीय आरोग्य मंत्रालयाने आज सुधारित आकडेवारी जाहीर केली.

सर्वात जास्त 186 रुग्ण महाराष्ट्रात असून केरळमध्ये 182 जण आढळून आले आहेत. कर्नाटकात त्याखालोखाल 76 जण कोरोनाग्रस्त रुग्ण सापडले आहेत. महाराष्ट्रात 6 जणांचा मृत्यू झाला आहे. तर गुजरातमध्ये 5 आणि कर्नटकात 3 जण दगावले आहेत.

विविध राज्ये आणि केंद्रशासित राज्यातील स्थिती -

आंध्र प्रदेश - 19, गुजरात 52, दिल्ली 49, जम्मू आणि काश्मीर 31, मध्य प्रदेश 30, हरियाणा 33, तेलंगाणा 66, तामिळनाडू 49, उत्तर प्रदेश 65, पंजाब, 38, पश्चिम बंगाल 18, लडाख 13.