देशभरातील कोरोनासंबंधी महत्वाच्या घडामोडी... वाचा एका क्लिकवर

कोरोना विषाणूने जगात थैमान घातले आहे. भारतातही कोरोनाचा विळखा झपाट्याने वाढत आहे. देशभरात गुरुवारी 17 हजार नवीन कोरोनाबाधितांची नोंद करण्यात आली. तर 418 रुग्णांचा मृत्यू झाला. यामुळे देशभरातील एकूण कोरोनाबाधितांची संख्या 4 लाख 73 हजार 105 वर पोहोचली आहे. केंद्रिय आरोग्य आणि परिवार कल्याण मंत्रालयाने दिलेल्या ताज्या आकडेवारीनुसार, देशात आतापर्यंत 14 हजार 894 कोरोनाबाधितांचा मृत्यू झाला आहे.

हैदराबाद - कोरोना विषाणूने जगात थैमान घातले आहे. भारतातही कोरोनाचा विळखा झपाट्याने वाढत आहे. देशभरात गुरुवारी 17 हजार नवीन कोरोनाबाधितांची नोंद करण्यात आली. तर 418 रुग्णांचा मृत्यू झाला. यामुळे देशभरातील एकूण कोरोनाबाधितांची संख्या 4 लाख 73 हजार 105 वर पोहोचली आहे. केंद्रिय आरोग्य आणि परिवार कल्याण मंत्रालयाने दिलेल्या ताज्या आकडेवारीनुसार, देशात आतापर्यंत 14 हजार 894 कोरोनाबाधितांचा मृत्यू झाला आहे.

भारतातील कोरोनाची सद्यस्थिती.

• दिल्ली -

अनिल बैजल यांच्या नेतृत्वाखाली आपत्ती व्यवस्थापन प्राधिकरणाने गुरूवारी संमती दिली आहे. स

कोरोना रुग्णांनी राज्य शासनाने चालविलेल्या कोविड सुविधांना मूल्यांकनासाठी भेट देण्यासंदर्भातील आदेश मागे घेण्यास आपत्ती व्यवस्थापन प्राधिकरणाने गुरूवारी संमती दिली आहे. अनिल बैजल हे आपत्ती व्यवस्थापन प्राधिकरणाचे नेतृत्व करत आहेत. बैजल यांनी ट्विटरवरून याबाबत घोषणा केली. या निर्णयावर जनतेने व्यापक स्वरूपात टीका केली होती.

दरम्यान, कोरोना रुग्णांच्या संख्येबाबत दिल्लीने मुंबईला मागे टाकले आहे. दिल्लीत गुरूवारी 3 हजार 788 नवीन कोरोनाबाधितांची नोंद करण्यात आली.

• महाराष्ट्र -

कोरोनाच्या पार्श्वभूमीवर राज्यात जिम आणि सलून आठवड्यात पुन्हा सुरू करण्याचा निर्णय राज्य सरकारने घेतला आहे. याबाबत, मंत्री अस्लम शेख यांनी माहिती दिली. तसेच यासाठी मार्गदर्शक सूचना जाहीर करण्यात येणार असल्याचेही त्यांनी सांगितले.

तसेच राज्य सरकारने राज्यात धार्मिक कार्यक्रमांना परवानगी देण्याबाबत कोणताही निर्णय घेतला नसल्याचेही त्यांनी सांगितले.

तर केंद्रिय आरोग्य मंत्रालयाच्या माहितीनुसार राज्यातील एकूण कोरोनाबाधितांची संख्या 1 लाख 42 हजार 900 झाली आहे. तर 6 हजार 739 रुग्णांचा मृत्यू झाला आहे.

• राजस्थान -

कोरोनाचा वाढता प्रादुर्भाव बघता जयपुरमधील जवळपास पोलीस ठाण्यांच्या परिसरात कर्फ्यू लागू करण्यात आला आहे. तर ज्या ठिकाणी कर्फ्यू लागू करण्यात आला आहे, अशा 221 ठिकाणांची ओळख पटली आहे. तसेच कर्फ्यू लागू करण्यात आलेल्या ठिकाणी अतिरिक्त पोलीस दल तैनात करण्यात आले आहेत.

दरम्यान, राज्यात गुरुवारी 76 नवीन कोरोनाबाधितांची नोंद करण्यात आली आहे. राज्यातील एकूण बाधितांची संख्या 16 हजार 85 वर पोहोचली आहे. तसेच गुरुवारी एकाही बाधिताचा मृत्यू झाला नाही. आतापर्यंत एकूण 12 हजार 646 रुग्णांनी कोरोनावर मात केली आहे. तर 12 हजार 386 जणांना डिस्चार्ज देण्यात आला आहे. राज्यात आत 3 हजार 64 अॅक्टिव्ह पॉझिटिव्ह रुग्ण आहेत.

• बिहार -

कॅनरा बँकेचे अतिरिक्त मुख्य व्यवस्थापकास कोरोनाची लागण झाल्याचे गुरुवारी समोर आले आहे. ते 56 वर्षांचे आहेत. त्यांना पटना येथील एम्स रुग्णालयात दाखल करण्यात आले आहे. ते नुकतेच अलिगड येथून दिल्ली गेले होते. त्यानंतर ते पटना येथे परत आले होते.

दरम्यान, राज्यात 223 नवीन कोरोनाबाधितांची नोंद करण्यात आली. यासोबत राज्यातील एकूण बाधितांची संख्या 8 हजार 273 वर पोहोचली आहे. तर 55 जणांचा मृत्यू झाला आहे.

• हरियाणा -

राज्य सरकार गुरुग्राम येथे 10 दिवसांचा मर्यादित स्वरुपाचा लॉकडाऊन लावण्याचा विचार करत आहे.

वरिष्ठ अधिकाऱ्याने दिलेल्या माहितीनुसार, ते गेल्या आठवड्यात मुख्यमंत्री मनोहर लाल खट्टर यांच्या शहर दौऱ्यावेळी चर्चेला आले होते. या चर्चेत कंटेंटमेंट उपाययोजना वाढवण्याची गरज जाणवली.

दरम्यान, शहरातील खासगी लॅबच्या दुर्लक्षामुळे तब्बल 200 रुग्णांचे फोन नंबर आणि इतर तपशीलाचा चुकीचा उल्लेख करण्यात आला आहे. यानंतर राज्य आरोग्य विभागाने 5 लॅब्सना कारणे दाखवा नोटीस पाठवली आहे. यात मेदांता लॅबचाही समावेश आहे.

तर राज्यात गुरूवारी 13 नवीन कोरोनाबाधितांची नोंद करण्यात आली. राज्यातील कोरोनाबाधितांची एकूण संख्या 12 हजार 23 वर पोहोचली आहे. तर 189 जणांचा मृत्यू झाला आहे.

• छत्तीसगड -

कंकेर येथील बीएसएफच्या 15 जवानांना कोरोनाची लागण झाल्यानंतर, बिजापूर येथे केंद्रीय राखीव पोलीस दलाच्या 229 बटालियनचा एका अधिकारी गुरुवारी कोरोना पॉझिटिव्ह आढळला आहे. जिल्हाधिकारी रितेश अगरवाल यांनी जिल्ह्यात हा कोरोनाच पहिलाच रुग्ण असल्याची माहिती दिली.

दरम्यान, राज्यात आतापर्यंत 12 कोरोनाबाधितांचा मृत्यू झाला आहे.