नवी दिल्ली - देशभरात गेल्या २४ तासांमध्ये ५४० नव्या कोरोनाग्रस्तांची नोंद झाली. यामुळे देशातील एकूण कोरोनाग्रस्तांची संख्या ५,७३४ झाली आहे.
देशातील एकूण रुग्णांपैकी ५,०९५ रुग्ण हे अॅक्टिव आहेत. तर आतापर्यंत सुमारे ४७३ रुग्णांवर यशस्वी उपचार करण्यात आले आहेत. तसेच, देशात गेल्या २४ तासांमध्ये कोरोनाच्या १७ नव्या बळींची नोंद झाली आहे. त्यामुळे देशातील एकूण बळींचा आकडा १६६ वर पोहोचला आहे. केंद्रीय आरोग्य मंत्रालयाने ही आकडेवारी जाहीर केली आहे.