मुंबई - जगभरात थैमान घातलेल्या कोरोना विषाणूला भारतातून हाकलून लावण्यासाठी केंद्रीय मंत्री रामदास आठवलेंनी पुढाकार घेतला आहे. याबाबत त्यांचा एक व्हिडिओ सध्या सोशल मीडियावर गाजत आहे. मुंबईमध्ये चीनी समुपदेशक टँग ग्वोकै आणि काही बौद्ध साधूंसोबत ते 'गो कोरोना.. गो कोरोना..' असा जप करताना दिसून येत आहेत.
रामदास आठवलेंनी हाकलून लावला 'कोरोना'; सोशल मीडियावर व्हिडिओ व्हायरल..
हा व्हिडिओ खरेतर २० फेब्रुवारीला मुंबईतील गेटवे ऑफ इंडियाजवळ रेकॉर्ड करण्यात आला होता. चीनमधील कोरोना विषाणूचा कहर थांबावा यासाठी आयोजित प्रार्थनासत्रादरम्यान हा व्हिडिओ घेण्यात आला आहे. गेल्या दोन-तीन दिवसांपासून हा व्हिडिओ सोशल मीडियावर चर्चेचा विषय बनला आहे.