नवी दिल्ली - देशभरामध्ये कोरोनाचे 2 हजार 902 रूग्ण आढळून आले आहेत. तर मागील 24 तासांत 601 नवे कोरोनाग्रस्त आढळून आले आहेत. काल दिवसभरात 12 जणांचा मृत्यू झाला असून कोरोना बाधीत असेलल्या 68 जणांचा मृत्यू झाल्याची माहिती आरोग्य मंत्रालयाचे संयुक्त सचिव लव अगरवाल यांनी पत्रकार परिषदेत दिली.
दिलासादायक बाब म्हणजे 183 रूग्ण पूर्णत: बरे झाले आहेत. एकूण रूग्णातील 9 टक्के रुग्ण 0 ते 20 वयोगटातील आहेत. 21 ते 40 वयोगटातील 42 टक्के रूग्ण, 41 ते 60 वयोगटातील 33 टक्के रूग्ण तर 61 वर्षापूढील 17 टक्के रूग्ण असल्याची माहिती अगरवाल यांनी दिली.