हाथरस प्रकरण : आरोपींचा शिरच्छेद करणाऱ्याला एक कोटीच्या बक्षिसाची घोषणा, काँग्रेस नेत्यास अटक

काँग्रेस पक्षाचे नेते निजाम मलिक यांनी हाथरस प्रकरणातील दोषींचा शिरच्छेद कलम करणाऱ्याला एक कोटीच्या बक्षिसाची घोषणा केली आहे. याप्रकरणी त्यांना पोलिसांनी अटक केली आहेत.

लखनऊ (उत्तर प्रदेश) -बुलंदशहरयेथील काँग्रेस नेते निजाम मलिक यांनी हाथरस घटनेतील आरोपींचे शीर आणणाऱ्याला 1 कोटीचे बक्षीस जाहीर केले आहे. याप्रकरणी त्यांना पोलिसांनी अटक केली आहे.

खासदार राहुल गांधी व प्रियांका गांधी-वाड्रा यांना नुकतेच पीडितेच्या घरी जाताना उत्तर प्रदेश पोलिसांना त्यांच्याशी धक्काबुक्की करत त्यांना ताब्यात घेतले होते. त्यामुळे काँग्रेसच्या कार्यकर्त्यांवर पोलिसांकडून लाठीहल्ला करण्यात आला होता. त्यावेळी मलिक सुद्धा जखमी झाले होते.

हाथरस प्रकरणानंतर उत्तर प्रदेशातील कायदा-सुव्यवस्थेवर प्रश्नचिन्ह उपस्थित केले जात आहेत. उत्तर प्रदेश पोलीस आणि प्रशासनाविरोधात राज्यासह संपूर्ण देशात आंदोलन होत आहे. यावर योगी सरकारने हाथरस जिल्ह्याचे पोलीस अधीक्षक, पोलीस उपअधीक्षक आणि पाच पोलीस अधिकारी व कर्मचाऱ्यांचे निलंबन केले आहे.

हेही वाचा -धक्कादायक..! तरुणाच्या पोटातून डॉक्टरांनी बाहेर काढले तब्बल ३५ खिळे