डेहराडून- रुद्रप्रयाग येथील केदारनाथ मंदिराचे दरवाजे(कपाट) मुख्य पुजारी शिव शंकर लिंग यांच्या उपस्थितीत उघडण्यात आले. आज(बुधवारी) सकाळी ६ वाजून १० मिनिटांनी मंदिराचे दरवाजे खोलण्यात आले. कोरोनाचा धोका लक्षात घेता फक्त १६ जण दरवाजा उघडताना उपस्थित होते. मात्र, भाविकांना दर्शन घेण्यास परवानगी देण्यात आली नाही.
मंदिराचे दरवाजे उघडल्यानंतर पहिली पूजा पंतप्रधान नरेंद्र मोदी यांच्यावतीने करण्यात आली. यावेळी मंदिराला १० क्लिंटल फुलांनी सजविण्यात आले होते. कोरोनाच्या पार्श्वभूमीवर सोशल डिस्टंसिंगचे पालन करण्यात आले. यावेळी मंदिर प्रशासनाील ठराविक सदस्य आणि पोलीस उपस्थित होते.
सरकारी निर्देशानुसार चारधाम यात्रा बंद ठेवण्यात आली आहे. फक्त पूजा करण्यासाठी मंदिराचे दरवाजे उघडण्यात आले आहे.
