कोलकाता - तृणमूल काँग्रेस पक्षाच्या नेत्यांना आणि कार्यकर्त्यांना भाजपमध्ये सामील व्हा नाहीतर तुम्हाला तुरुंगात टाकू, अश्या धमक्या भाजप देत असल्याचा आरोप पश्चिम बंगालच्या मुख्यमंत्री ममता बॅनर्जी यांनी केला होता. यावर धमकी देणाऱ्या अधिकाऱ्यांची नावे सांगा, असे आव्हान दिलीप घोष यांनी ममता यांना केले आहे.
लोकसभा निवडणुकीनंतर ममता बॅनर्जी ह्या कोलकाता येथील जाहीर सभेत बोलत होत्या. यावेळी त्यांनी भाजपवर जहरी टीका केली. भाजप कर्नाटक सारखीच परिस्थिती बंगालमध्ये निर्माण करु पाहत आहे. आमच्या आमदारांना एक पेट्रोल पंप आणि दोन करोड रुपयांची लाच देऊन खरेदी करण्याचा भाजप प्रयत्न करत आहे, अशी टीका त्यांनी सभेत केली.